其實我嘅工作真係好大壓力，為高水平賽事做裁判，壓力更加難以想像，身心都好崩緊。話說我平時都有研究香薰油、香薰蠟燭等，一直好相信香薰療法幫助到放鬆及減壓，我定期都會去做香薰按摩放鬆吓，最近有朋友介紹，旺角有間香薰massage幾好，叫我去試吓。
我用咗試做價試咗音頻身體減壓護理同埋人手香薰推油，第一次做音頻，原來對身心放鬆幾有效，治療師好細心將音叉調較出音頻，（音頻溫柔但有滲透力量），令我身體唔同部位都有（唔同程度嘅）微妙變化，可以令皮膚同埋情緒放鬆，（幾舒服）。做完音頻減壓，（個人已經幾爽），就當然開始做香薰油massage。
我揀咗我最愛嘅薰衣草香薰油，推油真係好舒服，力度啱啱好，治療師亦會細心問我邊個部位最累，用手法將我硬崩崩肌肉舒緩返。做完晒之後，留意到店舖有好多天然護膚品，不嬲都最鍾意用肥皂沖涼，即時入手牛奶皂！我仲留意到有香薰頸鏈，因為我有鼻敏感，治療師特別為我調配針對性香薰配方，（戴得靚靚又有療效，堅like!）
老老實實，真心親身試過係好嘢先推介俾大家，如果真係想上去，可以打上去預約，話GIGI介紹會有discount。
*結果會存在個體差異，並非所有人都會取得相同效果。